كأي طفل ..كأي ولد ...كأي مراهق ..كأي مصري في التمنتاشر من عمره . جاي من ابعد بلاد المسلمين .. جاي من اسوان "الشقيقة" . اسوان المدينة الساحرة ,بوابتك يا مصر الجنوبية .. اللي لما حد بيسالني انت منين ؟ ..برد بكل ثقة واعتزاز "من اسوان" , فيرد متعاطفا كبقية الناس اللي سالوني قبل كدة : ياااااه ...من اسوان... وايه اللي جابك هنا ياابني ؟ ... المهم : اسوان دي ليها افضال كتير عليا وخاصة في تكوين شخصيتي الهادئة والمسالمة ....
*******
زملكاوي منذ نعومة ضوافري ...متفوق دراسيا ...اعشق الاختفاء والسكون ...مش ملفت للنظر ..اكرة الاضواء ..و كل اعراض ومظاهر الانطوائية فيا ....
ومع ذلك نفسي ابقى حاجة كبيرة في البلد ,مش شرط مسئول , بس يكون ليا اسم كبير ..صحفي مثلا او اعلامي كبير ونفسي مدونتي تتشهر وتعجب كل الناس ويبقى ليها قراء محترمين يفيدوني لاني لسة بدري عليا قوي ...ونفسي اشكر صديقتي جريدة الدستور اللي ليها فضل كبير في تكوين آرائى واتجاهاتي وثقافتي في كل الاتجاهات وبجد ربنا يعينها .. وكمان للأخت العزيزة والموهوبة جداا مروة جمعة اللي يمكن معرفتي بيها طفيفة شوية بس هيا سبب رئيسي في اني اتشجع واعمل مدونة .
